آنادیـلی جه ایــلک پـؤسـت

«باشلی جا»

اولو تانریمین آدیلا  آنا دیلی جه ایلک پؤستی وئبلاگیندا یازیرام  !

نسنه دن مائده نین آتاسی صادق عمی اوغلی فارس دیلینده ایتیریب آختاریب تاپمادیغینی ، دادلی آنا دیلینده تاپماق ایسته ییرمیش .

باشلی جا دا تانریمدان گوج ایسته ییب سونرا صادق عمی اوغلودان چوخ چوخ تشککور ائلیرم . نسنه کی ترکجه یازماق ایچون سوفارینج ائدیب بیر تازا یول باشلانیشیندا یول گوسترنجی سی اولدولار.

اؤغول ! تئیخا یئر اوزورونده یاشایان اینسانلار بیر آتادان بیر آنادان یاییلیب لار .

کوکومیز آزجانا توپراقدان یایدیملانیب . تؤره ییش اؤنونده توپراق دا یاشاییش ائدیب آنجاق توپراق سون بئشیک میزدیر.

اونودماسینیز آتامیز آدم دیر آنامیز حوادیر .

اؤغلوم ! اینسان دؤشونجه سیله بوتون یارانمیشلاردان باش بیلیک لی دیر .

اولو تانری اینسانلاری بیری بیریندن سئچمک ایچون سایی سیز صوراتلاردا یارادیب .

اؤنلارین کیملیکین آییرماک ایچون فارکلی دیللرده دیللندیردی .

اونلاری بیرلشتیرمک ایچون کؤنول لرده دویقو یاییب کیمسه نی آیریسیندان یوخاری سانمییب .

یالنیز دوزگون یاشایان ، دوز ترپه نیب دوز اؤتوران اینسانلاری به یه نیب اؤنلاری یئر اوزونده اؤز یئرینه تاخیبدیر .

«آنا یوردوم»

اؤغول ! کیمسه نین بیر کیمی وار بیر ائلی بیر دیلی بیر کیملیکی وار .

کیمسه کیمسیز اؤلابیلمز . اینجه لر اینجی مه سه اینجه اینجی اؤلابیلمز .

سارانی بوغسادا سئللر سارانین دردینی سئللر بوغابیلمز .

فیرتینا قاخسا دومان دورسا جاهان تیتره سه تورکو دیلی بیزدن آلابیلمز .

آلتی مین ایل هـــــــئله میلاده قالان اؤلـکه میزین اتگی سی وار .

دادلی دوزلو دیلی نین سوزله رینین ائلچی سی وار .

تورک ائلی کیملیک میز آذربایجان کیندیریمیز .

اسکی لــــــیلان آنا یوردوم ده لی جیرانخانا یوردوم.

دیـــل آچانـــــلار ای یی جانــــلار بوی آتانـــــلار قوجامانـــــلار

سنــــــه قـــــــوربان آنا یـــــــــــــوردوم یاشــــــــــــا یوردوم.

«دوغوم گونو»

مین اوچ یوز هشتاد سگگیز اینجی گونش ایلی نین قیزاران آیی نین اونوندا گون اورتا چاغی تهرانین مریم حضرتلرینین ناخوشلیجاسی نین گوزتلمه اتاغیندا اوتوراجاغ اوستونده یالنیز اوتروب گوزلریمی قاپی یا زیلله ییب یولونو گوزتلی ییره م .

دویقولاریمین چاققیشماسیندا باشیمی آشاقی سالیب گاه تانریمی چاغیریب گاه امام حسین(ع)ایلن میزیلداشیرام .

دیل دوداغیم قورویارکن اوره ییم تونقال کیمی آلولانیر.

اللریمی بوکوره م اوره ییمین اؤلچوسو بیلینسین .

بیرده ن بیر خبرچی قادین باییردان گه لیب فریور یانچی سی سس له ییب منی دیسکیندیریب آیاقلاریما آغیرلیق سالدی .

باشیمی گوئه ترپه درکن او خبرچی قادین یاخینلاشیب قیزارمیش صوراتیما باخیب گوله گوله موشتولوق ایسته ییب سئویله دی :

تانری بیله نیزه بیر خیمیدانی قیز وئریب ننه بالا ایکی سی صاه بوتون یاشی ییرلار.

دیلیم دوتار دوتماز اوموب الدن چیخاراق دئییره م :

بااااااااای ق قی قی ز اولار می ؟...!

خبرچی قادین بیر گؤی ایکی مینلیک آلیب گولوم سی له نر کن دئییر :

باغیشلایارسینیز بللی دیر کن چجوکینیز  بیر شیط اوغلاندیر .

اللریمی گوئه آچارکن اوره ییم کوزلرینه سو سپیب الیمه یاییلدین .

اؤز یئریمده دایانیب اویناقلادیم سن منیم سن دئییب الیمی چکیب اووجومی یومارکن آیاقلاریمین آغیرلاشماسیندا عشق قاناتلارین بئلیمه یوکله دین .

گوزتلمه اتاغیندان باییرا چیخدیم هارای سس لریمده بوغولارکن آرخام گوجوم یول یولداشیم اوره گیمین هامی سی اوخشاییرایم .

ماوی گوزلریندن بویلان باییرا چیخ بالام سنله دانیشماق ایسته ییرم.

ائله بیل یئنی ده ن دوغولموشدوم .

ایکی بؤیوک ننه وی (آنام بیرده قاینانامی) یازین گون اورتا چاغی نین زهله توکن ایستی سی نئچه ساحات قاباقدان قاوالاییب ائوه سایی یول لاندیرمیشدی .

یاخشی بیلیردیم اونلارین قولاقلاری ائو تیلفونون تاققیل تی سیندادی .

سئوینه جه رک ائو تیلفونون تر تئله سیک ده تاققیل لادارکن آنالاریم لا موشتولوقلاشدیم .

من دن چوخ اونلار سئوینیردیلر . دوغروداندا قیزیل لا یازمالی سوزدور بالا بادامدی نوه بادام ایچی .

سون بئشیک لی یین ده داها آرتیق بیله وی دادلاندیرمیشدی .

سونرا بیر نئچه قوهوم ایچون زنگیلله شیب آنادان اولماوی اونلارا چاتدیرارکن گول له کیمی اوزومی خان ننه لریوه یئتیردیم .

کؤنول قوشوم قاناد آچیب اوچما ایسته ییردی .

گوزلریمین سئوینجی یاغیشی شیدیرغی یاغا یاغا اؤزومی حافیظ یولاغیندا تاپارکن قایناناملا گوزوم ساتاشدی .

آبام قایناناملا آیاقلاشام میردی .

کوتلولاشار کن بیرلیک ده یولاغ باشیندا آژانسیدا ایله نیب مریم ناخوشخاناسینا سایی یوللاندیق .

بیز یئتیشیب یئتیشمه میش ده ن فیروز دایین تپه سی اوسته بیر گول دسته سیله فیرتینا سایاق اوزونی یئتیردی .

بیرلیک ده قول بویون اولوب  کوتلولاشدیق .

اولو تانریم فیروز دایین دان هادیر اولسون .

نسنه کی سایی سیز آشیریملاردا بیز ایله آشیب چوخ گئدیکلرده بیز ایله دینجه لیب یئنه ده دوزنگاه لاردا نفس قورتارمی ییب .

یاشاسین دای دای . یاشاسین فیروز  بیگ. یاشاسین امیرعلی بیگ .

یاشاسین مائده ، یاشاسین مانی بیگ . یاشاسین صادق بیگ .

یاشاسین بوتون  آذربایجان چجوکلاری .

شانلی گوروش چاغلاری یاخینلاشیردی ...